15 feb-1.mars

Maður byrjaði býsna rólega. Æfi í Raunveruleikanum og í World Class. Sennilega er þetta 50/50 skipting. Þar sem æfingarnar í Thailandi voru óvenju ómarkvissar, þá eru fyrstu vikurnar með léttum viktum og svo verður fljótlega gefið í:

Heigh bar squat: 120 kg 3-5 reps
Deadlift (beltislaus: 180 3-5 reps
Bekkur 120 kg 3-5 reps

Eftir nokkrar vikur verð ég kominn í:

Heigh bar squat: 160 kg 3-5 reps
Deadlift 230 kg 3-5 reps
Bekkur 150 kg 3-5 reps

Þegar þessu markmiði er náð byrjar maður að fara í útbúnaðinn á þunga deginum. Þá mun karlinn koma mönnum á óvart með nýjum ofurslopp sem gefa mun honum 220-230 kg á bekknum í sumar!

Off-season 15 jan-15 feb

Því miður þurfti ég að fylgja fjölskyldu minni til Thailand vegna veikinda í fjölskyldunni. Það var ákveðið að gera gott úr þessu og reyna að æfa í gay-gymminu 3x í viku ef mögulegt væri og reyna að halda líkamsþyngd. Því miður komst ég að þvi til skelfingar að það var búið að loka Gay-gymminu. Gay gymmið var pínulítið herbergi á Amari-hótelinu með einum bekk og nokkrum lóðum. Hér má sjá það sem eftir að að gymminu, eftir að tækin voru fjarlægð.













Sem betur fer var búið að opna stórt gymm í næsta nágrenni við hótelið, eða á íþróttasvæðinu. Gymmið var stórt og rúmgott með mikið af tækjum og lóðum. Gallinn var hins vegar sá að gymmið var einungist opið eftir kl 16.00 á daginn. Einnig var ekki nein loftkæling á staðnum og því svakalegur hiti inni fyrir sem dró úr manni allan mátt. Hægt var að taka bekk og hnébeygjur í Smith-vél, en hámarkfjöldi lóða var bara 120 kg. Þarna æfðu margir bæði konur og karlar, en athyglin var því mun meiri á Masternum, en í Gay-gymminu hafði hann salinn algerlega út af fyrir sig í 1,5-2 tíma á dag. Þarna var hins vegar erfitt að halda út svo lengi vegna hita. Einnig var erfitt að komast í Smith-vélina, vegna þess að þarna æfðu nokkrir hraustir Muy-Thai strákar og því myndaðist of biðröð við vélina. Svo komst maður ekki á æfingu eins oft og maður vildi. Þarna var líka ein laus lyftingastöng, en engin hnébeygjurekki. Því varð maður að janfnhatta 90 kg yfir höfðuð og beygja svo 10-12 reps með 90 kg. Dálítið glæfralegt ef illa hefði farið. Á endanum kom maður heim til Íslands níu kílóum léttari og var fegin að vera komast burt úr hitasvækjunni í N-Thailandi. Hér má sjá nokkrar myndir úr nýja gymminu.

Off-season fyrri hluta janúars

Það gekk mjög vel að æfa um og eftir jól. Með creatín og glútamín og góðu áti komst skjóðuþyngdin í 111 kg. Bekkurinn var meðal annars ágætur, en maður var að pumpa 140 kg x3 og 145 x 2 án nokkra vandræða og stutt var í að maður myndi flengja 150-60 kg á kjötinu. Það stefndi í meiriháttar vorbætingar en þá gerðist það.....