Æfingatímabilið hefst

Nú er ekkert annað að gera en að bretta upp ermarnar. Lítill hópur kraftamanna á bezta aldri ætla að æfa fyrir heimsmeistaramótið í Vegas í nóvember. Sjálfur ætlar öldungameistarinn að æfa með þeim Sir Magister, Teigju-Tvister, Palla Patró og öllum hinum sem detta inn. Hinir eru m.a að æfa á öðrum stöðum m.a í bílskúr á Kjalarnesi. Þegar Masterinn kemst ekki á æfingar mun hann æfa í World Class, en reyna eins og kostur er að mæta á æfingar með HM öldungunum. Masterinn ætlar að fylgjast með hinum stórefnilega Fjölni í hans miklu bætingum í hnébeygjum og bekkpressu í vetur og reyna eftir fremsta megni að veita honum aðhald eins og kostur er. Fyrstu myndböndin af HM förum eru af Fjölni sem stefnir að að taka vel yfir 700 kg í samanlögðu í sínum flokki.

Fjölnir tekur bekkpressu hér:
Fjölnir með 180 kg létt í beygjum hér:
Fjölnir tekur 200 kg létt á "kjötinu" hér:

Off season

Æfingarnar eftir mótið hafa verið allavegana. Nú er hins vegar kominn tími til að koma sér í gang aftur. Fór td um daginn í Njarðvíkina og tók bekkpressu með Spjótanum. Þar tók ég 160 kg á kjötinu, sem var eitthvað minna en ég hafði vonað, en sannaði mér að ég tæki a.m.k 30 kg meira í bekkpressu í víða bekkpressuslopnum sem ég keypti fyrir einu og hálfu ári. Svo hef ég verið að taka æfingar 3-4 sinnum í viku í World Class, m.a hnébeygju, bekk og réttstöðulyftu þs án útbúnaðr og án beltis. Réttstaðan er tekin af búkka til að styrkja neðra baki enn meir. Núna eru bara rúmlega þrír mánuðir í mót, þannig að alvaran er að hefjast aftur!

Í júli lagði Masterinn evrópu að fótum sér, en í nóvember stefnir masterinn á að verða heimsins sterkasti öldungur í sínum flokki.

Dagskrá heimsmeistaramótsins má nálgast hér: