Veit ekki

Hún var reyndar "endurráðin" í starfið, en ég veit ekki alveg hvað gerðist og nenni í raun ekki að athuga það. En hitt veit ég að ég náði loks að tala við réttu aðilana hjá stéttarfélaginu og ekki skemmdi fyrir að eiga tengslanet inn í raðir stórfyrirtækisins. Ég held líka að ákveðnir aðilar hafi áttað sig á að Keisarinn var ekki í neinum fötum. Annars var ég orðinn alveg uppgefinn á þessu rugli öllu og ætla ekkert að fagna sérstaklega. Fór á létta æfingu í gær í Stevegym. Foringinn var ekki kominn heim, en hann varð heimsmeistari í fjölþraut öldunga núna um daginn. Hjörtur sagði að Steve hefði sagt að ég væri í mánaðar straffi frá stöðinni, en fyrir hvað vissi hann ekki. Ekki náðist í foringjann í síma til að bera undir hann "grínið", en að sjálfsögðu hlustaði ég ekki á ruglið í Hirtinum, enda ekki hægt að fylgja þessu eftir.